يلا بينا ندعى على المنتخب

[[size=18]color=blue]ليلة وانا جالس اشاهد المباراة فى منزلى المتواضع اندهشت من طريقة لعب المنتخب المصرى لعب ايه وتقسيم كور ايه وتنظيم ايه يا جدعان .

بقت مش عارف مين اللى بيلعب كرة قدم ومين بيلعب كرة قدم امريكية يا لهوى على الجمال والحلوة واهو الهداف الاول فى شباك الحضرى والراجل
والله عداه العيب وازح .

قولنا معلش دلوقت هننزل وتك تك تك وهنقطعهم يا معلم لأ ليه وليه بقى المننتخب يسترجل ويعوض لابقى لابقى الهدف التانى وفى اللحظة مبقتش
عارف مين فى الفريقين منتخب مصر اللى المفروض بيلعب كرة قدم من زمان يا جدعان .

قولت مش مشكلة دلوقت نعوض وتك تك تك تك ...........الخ ونعوض والظاهر والله اعلم ان المنتخب كان مغيب عن الوعى يا جدعان ولا ايه
بالضبط وهوبة الهدف التالت يا لهوى وهنا انا قررت قرار حاسم يا اصدقائى للآسف انى احول واتفرج على ماتش البرازيل حفاظا على قوى العقلية .

......................................................... شكرا ..........................................................................[/color][/size]

انا مصدقك نسيت فى الخيمة الادبية بس الظاهر ان لازم نفضل نفتكر الهزية المرة دى

تحس فعلا ان اللعيبة مخها وقف
يعنى الواحد لما بيجرب حاجة ويلاقيها منفعتش بيحرب حاجة تانية
انا قصدى على الكور العرضية اللى هما لزقين فيها من أول الماتش
كلها كانت من نصيب دفاع امريكا
ده الاعب من دول طول بتاع 2.5 متر ولا 3 متر يعنى مينفعش تلاعبه فى الهوا خاااااالص
لكن تقول ايه بقى
مخهم مش فى دماغهم
حسبنا الله ونعم الوكيل
الواحد نسى اللى حصل بالماتش بتاع امبارح كــــــــــــل اللى اتعمل فى الماتشين بتووع البرازيل وايطاليا
وعاوز اقولك على حاجة
انا اساسا زعلان مش علشان المنتخب خسر ولا راح فى ستين داهية
لااااااااااااااااا
خااااااااااااااااالص
انا اللى مزعلنى بجد المنتخب الايطالى
بقى شوية لاعيبة معااااقة زهنية وبدنيا تعمل فيه كده وتكون السبب فى ان امريكا توصل وايطاليا بطلة العااااااالم هيا اللى تروح لأ ومع مين مصر يالاااااااااهوى
حسبنا الله وانعم الوكيل

والله عندك حق دا حرقت دم لكل المصريين دحنا اخرنا نلعب بلى ودا يبقى كتير علينا يا جدعان

يا جماعة انتوا مش عارفين اسباب هزيمة المنتخب المصرى امام المنتخب الامريكى اسمعوا بقى الاسباب دى وكمان اسمعوا اسباب هزيمة المنتخب الايطالى ادام المنتخب البرازيلى

اولا:اللاعيبا المصرية من قبل ما تدخل الماتش وهما مستهترين بالمنتخب الامريكى لانه انهزم امام البرازيل 0-3 وامام المنتخب الايطالى 1-3
ثانيا:المنتخب المصرى لما راح جنوب افريقيا عمل حاجات مش كويسة اثرت عليهم بالغ الاثر فى الماتش وكمان كان باين عليهم واهم الدلائل على كدا الاصابات الكتير فى الماتش
ثالثا:زى ما السقا قال انهم لاعيبا اغبياء لانهم مصرين على الكور العرضية اللى كانت من نصيب المنتخب الامريكى بكل سهولة ومن غير مجهود وهما برده مصرين كأن مفيش حل تانى ولا كأن فى طريقة جامدة جدا استخدموها امام البرازيل وايطاليا اللى اسمها (1-2)
رابعا: هما مش مقدرين اهمية وخطورة المسئولية اللى عليهم ومش عارفين ايه معنى خسارة ماتش زى دا امام منتخب ولا ليه فى اللعبة دى ولا يعرفوا عنها غير انك بتشوط الكورة فى المرمى ويا تيجى جول او لا

اما بالنسبة للمنتخب الايطالى فانا حزين عليه جدا جدا لانه هو كان الاحق بالمركز التانى بدلا من امريكا اللى انهزمت من ايطاليا وامريكا ودى كانت اسباب هزيمة المنتخب الايطالى امام المنتخب البرازيلى
اولا:المنتخب الايطالى كان بيلعب باعصاب مشدودة لانه كان بيلعب مع منافس مش سهل وبطل العالم قبل كدا 6 مرات ولأن المنتخب الايطالى كان خسران امام المنتخب المصرى وعايز يعوض فرق النقط بينه وبين المنتخب البرازيلى
ثانيا:المنتخب البرازيلى كان بيلعب باعصاب هادية جدا لانه كان ضامن الحمدلله المركز الاول عشان كدا قدر المنتخب البرازيلى انه يسجل 3 اهداف نظيفة فى مرمى المنتخب الايطالى
ثالثا:ودا اهم سبب فى خسارة او فوز اى فريق فى كورة القدم وهو احترام الخصم والمنتخب البرازيلى كان بيحترم المنتخب الايطالى جدا عشان عارف انه هو بطل عالم ومش فريق سهل

انها فعلا اسباب مشرفة لخسارة المنتخب الايطالى امام المنتخب البرازيلى مش اسباب خسارة المنتخب المصرى امام المنتخب الامريكى الذى لا يفقه شئ فى كورة القدم؟
عشان كدا انا مش عشان خسارة المنتخب المصرى بس عشان خسارة المنتخب الايطالى وتأهل المنتخب الامريكى للمركز التانى فى دور المجموعات لكأس القارات

انا بقى يا جماعه حقول كلمه يتلخص فيها الماتش .............................
ولازم يكون فى عقوبات رادعه جدا على اللعيبه اللى لعبوا ماتش مع جنوب افريقيا الليله اللى قبل ماتش لمريكا
ولو انا رئيس عليهم لكنت خلتهم يبطلوا كوره حالا دى مهزله والله عيب لما اكبر بلد اسلامى تعمل كده
امال احنا سيبنا ايه لباقى الدول

كنت عاوز اقول كلمة للعضو شاهين والعضو بدر والنبى بلاش انتوا ها طبعا فهمين قصدى

[b]واى حرقة دم الى حصلت لكل الشعب المصرى يا جماعة بعد الماتش دة والى يغيظك اكتر ان الاعيبة كلها تقوالك يعنى ايه ماتش مفيش مشكلة عادى فى منتهى البرود والاستخفاف بمشاعر الجماهير وبعدان حنقول ايه غير حسبى الله ونعم الوكيل فى امريكا وصلت للنهائى خلاص لعبتها صح......[/b]

انتى مش واخدة بالك من حاجة يا white angel وهى ان المنتخب مش فارقة معاه البطولة ومش عارف البطولة دى كانت ممكن تتطلع عليه سمعة انه منتخب كبير وقوى وابطال العالم كانوا حيعملولنا الف حساب قبل ما يلعبوا معانا
وانا كمان عايز اوضح للجميع حاجة وهى ان اللاعيبا المصرية مش بتلعب عشان الالقاب وانها تكون بطل العالم
بس اللاعيبا المصرية بتلعب عشان الفلوس عشان زى ما احنا عرفين ان ظروفهم صعبة وبعد كل دورة او كاس ياخدو فلوس وخلاص وجوايز

» يلا بينا ندعى للمنتخب المصرى
» عزيمة واصرار المنتخب المصرى وانتصاراته وخفوقه